1 Եւ երբոր ա լսեցին Ամօրհացիների ամեն թագաւորները, որոնք Յորդանանի այս արեւմտեան կողմումն էին, եւ Քանանացիների ամեն թագաւորները, բ որոնք ծովեզերքի մօտ էին, թէ Տէրը ցամաքեցրեց Յորդանանի ջրերը Իսրայէլի որդկանց առաջիցը մինչեւ նորանց անցնելը, այն ժամանակ նորանց սիրտը հալուեցաւ, եւ նորանցում հոգի չ’մնաց գ Իսրայէլի որդկանց առաջին:
2 Այն ժամանակ Տէրը Յեսուին ասեց. Քեզ համար սուր դանակներ շինիր, եւ դարձիր Իսրայէլի որդկանցը կրկին թլփատիր:
3 Եւ Յեսուն իր համար սուր դանակներ շինեց եւ Իսրայէլի որդկանցը թլփատեց Գիբաթհաարալօթումը:
4 Եւ այս է պատճառը, որի համար Յեսուն թլփատեց նորանց. դ Եգիպտոսիցը դուրս եկած բոլոր ժողովրդի արուները՝ ամեն պատերազմող մարդիկը Եգիպտոսիցը դուրս գալուց յետոյ անապատումը ճանապարհին մեռան:
5 Եւ բոլոր դուրս եկած ժողովուրդը թլփատուած էր. բայց Եգիպտոսիցը դուրս գալուց յետոյ անապատումը ճանապարհին ծնուած բոլոր ժողովրդին չ’թլփատեցին:
6 Որովհետեւ Իսրայէլի որդիքը ե քառասուն տարի անապատումը շրջեցին, մինչեւ որ բոլոր ազգը այսինքն Եգիպտոսիցը դուրս եկած պատերազմական մարդիկը սպառուեցան. որ Տիրոջ խօսքին չէին լսել, որովհետեւ Տէրը նորանց երդում արաւ, որ նորանց բնաւ զ ցոյց չ’տայ այն երկիրը,որ Տէրը նորանց հայրերին երդում էր արել, որ մեզ տայ է մի երկիր որ կաթ եւ մեղր է բղխում:
7 Եւ ը նորանց տեղումը նորանց զաւակներին կանգնեցրեց. եւ Յեսուն թլփատեց նորանց. որովհետեւ անթլփատ էին, ըստ որում ճանապարհին չ’էին թլփատել նորանց:
8 Եւ երբոր բոլոր ժողովրդի թլփատուիլը վերջացաւ, մնացին բանակումն իրենց տեղը թ մինչեւ որ առողջացան:
9 Եւ Տէրը Յեսուին ասեց. Այսօր վեր առայ ժ Եգիպտոսի նախատինքը ձեր վերայիցը եւ այն տեղի անունը մինչեւ այսօր ի Գաղգաղա կոչեցին:
10 Եւ Իսրայէլի որդիքը բանակ տուին Գաղգաղայումը, եւ զատիկն արին ամսի լ տասնեւչորսերորդ օրը իրիկնադէմին՝ Երիքովի դաշտերումը:
11 Եւ զատկի հետեւեալ օրն այն երկրի պտղիցը բաղարջ եւ խ հեղի կերան՝ հէնց նոյն օրը:
12 Եւ հետեւեալ օրը երբոր այն երկրի պտղիցը կերան, ծ մանանան դադարեց, եւ նորանից յետոյ Իսրայէլի որդկանց համար այլ եւս մանանայ չ’կար. եւ այն տարին Քանանի երկրի արդիւնքիցը կերան:
13 Եւ երբոր Յեսուն Երիքով էր, իր աչքերը բարձրացրեց եւ տեսաւ, որ ահա կ իր դիմացը մէկ մարդ էր կանգնել, եւ հ նորա ձեռքին մի մերկ սուր. եւ Յեսուն նորան մօտեցաւ եւ նորան ասեց. Մեզանի՞ց ես դու, թէ մեր թշնամիներիցը.
14 Եւ նա ասեց. Ոչ, այլ ես ձ Տիրոջ զօրավարն եմ, եւ հիմա եկայ: Եւ Յեսուն ղ իր երեսի վերայ գետինն ընկաւ եւ երկրպագութիւն արաւ, եւ նորան ասեց. Ի՞նչ է հրամայում իմ Տէրն իր ծառային:
15 Եւ Տիրոջ զօրավարը Յեսուին ասեց. ճ Ոտքերիցդ կօշիկներդ հանիր, որովհետեւ քո կանգնած տեղը սուրբ է. Եւ Յեսուն այնպէս արաւ:
Հեսու 5